一連兩篇文章都說了電影，心想是時候談談音樂了。上月欣賞過關淑怡的演唱會，印象十分深刻。雖然從未視關淑怡為自己的偶像，但喜歡她的歌曲倒是千真萬確，一向覺得她唱歌很有feel，而且有heart，歌路又前衛。難怪她演唱會中唱的歌，除了起初兩首新歌我不懂得唱外，其餘都可瑯瑯上口，叫我不得不承認我是她的歌迷。雖然有傳她的演唱會票房不濟，要半價割售，但這些不利的消息並未影響她之演唱水準，一曲“梵音”，她輕倚在螢光長椅上出場，“伊呀，伊呀，伊呀……”歌聲隨著音樂轉調，心不暗稱許，真是很有型呀，而且唱得很cool呢！單是看這一幕加聽這一首歌，已經值回一半票價！
最開心的是，我欣賞的那一場之特別嘉賓是我另一首喜歡歌手陳奕迅，他一出場獨自唱了一首”We will rock you”，後來再跟關合唱一首“親愛的”，真的很好聽。當然Eason未出場時關重新演譯了他的“明年今日”亦十分“正”！這一part 已抵償了餘下的票價。
未知是否負面消息太多，演唱會加入了數段關自我剖白的心聲，有一段更哭訴傳媒抺黑她。雖然我心很體諒她的心情，但卻不太欣賞這一種做法，這未免不夠灑脫，似乎這未及我另一位偶像王菲那樣高道行！
4 comments:
關淑怡會開ver2，
仍否繼續捧場？
你是我的首位留言者,真得很開心有人看我的文章,十分興奮,多謝.
如果真是有part 2的話,當然想去再捧場.
本來還有幾張演唱會的相常upload上網,同大家分享,但唔知嘜原因整來整去都整唔到,希望可快d搞掂,同大家share d 相.
係呢,你最鍾意演唱會邊part?
我係SK fans﹐多謝你咁欣賞個concert。
想回應你講果段"哭訴傳媒"﹐ 我都唔想見到有哩D片斷﹐ 但SK絕對有理由咁做﹐ 傳媒的打壓已經做到要毀滅SK既地步。 試想想﹐ 如果唔係SK晌演唱會有咁卓越既表現﹐ 佢一定個俾傳媒攻擊到以後都唔會唱到歌。 香港人有好多人都好冇判斷能力﹐ 信晒傳媒講D野﹐ 個後果係好嚴重。 買得票入場睇SK既﹐ 肯定唔會信晒D傳媒﹐所以條片其實係俾果D傳媒人睇既﹐ 係對佢地既反擊同回應﹗ 事實上﹐ 果段“哭訴”晌第三場已經cut左﹐ 因為已經冇必要再播了﹗ 最後﹐ 希望你得閒去 http://www.suk-e.com/forum/ 睇睇啦﹗ 有concert 既video clips d/l﹐ 可以回味一下﹗ 希望partII你都會去啦﹗
其實我都很明白,這只是我的個人意見.老實說,我大學主修新聞,亦曾當過記者,亦很不屑現時一些傳媒的做法.
我很閒會上去sk的forum睇,亦希望你繼續支持我的網頁,俾多d寶貴的意見我,謝.
Post a Comment